„Спортплан“ е компанија со седиште во Скопје која се бави со организирање спортски игри, спортски настани и спортски консалтинг услуги низ целата наша држава. Таа има цел да прерасне во регионален лидер во нашата област. Целта на оваа компанија и нашиот тим составен од професионалци во оваа област, е да обезбедиме незаборавни спортски искуства, како и да им помогнеме на нашите клиенти и компании во остварување на нивните цели преку професионално организирани спортски игри или настани со забавен, рекреативен или професионален концепт
Едноставно играј,
Забавувај се,
Уживај во играта.
– Мајкл Џордан –
Нашиот тим составен од професионалци е обучен и стручен кадар кој е оспособен за координирање на сите логистички, оперативни и маркетинг компоненти, од почетно креирање до конечно реализирање на сите сегменти на еден спортски настан или игра. На вас останува единствено да уживате во нашата комплетна беспрекорна и професионална организација која ви ја нуди само нашата компанија. Лојалноста кон нашите клиенти и компании секогаш е на прво место. Веруваме дека ќе ни дозволите во иднина да ви ја докажеме нашата професионалност и креативност и заедно да се радуваме на сите наши постигнати резултати
Како што е пракса насекаде во светот, така и кај нас во Македонија, време е македонските компании да се грижат за своите вработени, посебно во делот на нивното здравје и начинот на живеење, како во текот на работното време и на работното место, така и потоа. Сметаме дека спортот и Спортплан.мк е вашето решение. Токму ние го нудиме концептот кој во основата е фокусиран на подигнување на свеста на македонските компании и овозможување услови каде вработените од една компанија ќе се дружат, забавуваат и спортуваат со вработени од други компании при што крајниот бенефит го добиваат сите активни учесници.
Наши цели се:
Подигнување на здравствената психо – физичка способност на работникот во
вашата компанија,
Подобрување на продуктивноста и подобрена комуникација,
Зголемена мотивација,
Подобрена соработка,
Поттикнување на креативноста,
Градење и подигање на тимскиот и работниот дух.
За почеток, да се вратиме во игра со маалски баскет. Баскетот е совршениот спорт за оваа намена, зашто отсекогаш бил еден од најомилените тимски спортови, скоро и да не постои човек на планетава кој барем еднаш не изиграл една партија баскет во животот.
